Бэлиитикэ

Эрэгийиэн сайдыытынан бырагыраамалара

АЛРОСА уонна кини иһинэн үлэлиир хампаанньалар эрэгийиэн сайдыытын бырагырааматын чэрчитинэн, алмаастаах түбэ улуустарыгар тус сыаллаах үбүлээһини оҥороллор.

Ол үп тустаах улуустар социальнай-экэнэмиичэскэй сайдыыларыгар, инфраструктураны тэрийэргэ, олорор дьиэҕэ-уокка толору хааччыллыыны киллэрэргэ туһаайыллар.

Холобур, Ньурба улууһугар сылга 325 мөл. солк. үбүлээн, улуус социальнай-экэнэмиичэскэй сайдыытыгар бииргэ үлэлииргэ сөбүлэһии түһэрсиллибитэ. Бастаан бу дуогабарынан АЛРОСА-Ньурба ПАУо үлэлэспитэ, 2019 сылтан АЛРОСА хампаанньа үлэлии сылдьар, улуус сайдыытыгар ананар 325 мөл. солк үбүлээһинин уопсай кээмэйигэр киллэриллэн, 2019 сылтан 1340 мөл. солк. көрүлүннэ.

Спонсорскай көмөнөн, улуустары, куораттары өйөөһүн бырагырааматынан: Өлөөҥҥө этнокултуура киинэ тутулунна; Мирнэйгэ, Айхалга, Удачнайга, Ленскэйгэ суол оҥоһуута, куораттары тупсарыы үлэтэ үбүлэннилэр; Мирнэйгэ, Айхалга, Удачнайга балыыһалар өрөмүөннэннилэр; «Саха сирин тыыннаах алмаастара» паарка өйөннө. Мирнэйгэ хайыһар базата, Оҕо аймах дыбарыаһа тутулуннулар, Политехническэй институт үөрэнэр-лабораторнай куорпуһа өрөмүөннэннэ, уу ситимин тутуута үбүлэннэ, Оҕо искусствотын оскуолата, театр өйөннүлэр. Айхалга профтехучилище үөрэнэр-лабораторнай куорпуһа өрөмүөннэннэ, Светлайга индустриальнай техникумҥа көмө оҥоһулунна.

Раиса Сибирякова.

0
0