Эмиэ бииргэ арыгылааһын кэмигэр кыыһырсыы түмүгэр киһини өлөрүү таҕыста.
РФ Силиэстийэлиир кэмитиэтин Саха сиринээҕи управлениета иһитиннэрбитинэн, бу иэдээн Үөһээ Бүлүү улууһун Сургуулук нэһилиэгэр олунньу 27 күнүгэр күрүлүүр күнүс буолбут.
Кэргэнниилэр арыгы иһэ олорон, бурайсан турбуттар. Онуоха ойоҕо 38 саастаах эрин «куттаары» диэн, «ТОЗ-66» сааны хаба тардан ылан, бастаан аан диэки туһаайан ыппыт.
Онтон эригэр чугаһаан, сүрэххэ кыҥаан баран, биирдэ ытан, миэстэтигэр өлөрбүт. Уонна туох алдьархайы оҥорбутун эдьиийигэр кэпсээбит. Эдьиийэ полицияны ыҥырбыт.
Бу 24 саастаах уорбаланааччы дьахтар тутуллубут. Силиэстийэ салҕанан барар.
Биһиги корр., «Саха сирэ» хаһыат, edersaas.ru
Хаартыска: интэриниэттэн
+1
+1
+1
+1
+1
+1
+1