Тыа хаһаайыстыбатын чэпчэтиилээх кирэдьиитигэр «кыраан сабылынна»

Бөлөххө киир:

Бу күннэргэ Москваттан хомолтолоох сурах кэллэ. Россия тыатын хаһаайыстыбатын министиэристибэтэ “2017 сылга уонна 2018, 2019 сыллардааҕы былааннанар кэмҥэ федеральнай бүддьүөт туһунан” федеральнай сокуоҥҥа уларытыылары киллэрии туһунан” федеральнай сокуон барыла оҥоһулла сылдьарынан сиэттэрэн, РФ бырабыыталыстыбатын бэрэссэдээтэлин солбуйааччы А.В.Дворкович сорудаҕынан балаҕан ыйын 21 күнүттэн АПК чэпчэтиилээх кирэдьииттээһиҥҥэ механизмын сүнньүнэн боломуочуйалаах бааннартан иэс ылыахтаах хаһаайыстыбалары реестргэ туруорарын тохтоторун иһитиннэрдэ.

edersaas.ru

Биллиилээх салайааччы Виктор Черномырдин кынаттаах этиитэ тыыннаах. Үчүгэй буолаарай диэн оҥоһулла сатаабыт дьыала Росссияҕа өрүү буоларын курдук, аара тобуктуур, тохтуур дьылҕаланна. Быйыл күһүн атырдьах ыйын бүтүүтэ Нам улууһунааҕы “Эрэл” ТХПК Россельхозбаантан кылгас болдьохтоох кирэдьиити ылбытыгар аан аһылынна диэн үөрбүппүт баара – уһаабата. Дьокуускайдааҕы көтөрү иитэр фабрика эмиэ кылгас болдьоххо улахан сууманы ВТБ баантан ылыахтааҕа олус уһаан-тэнийэн барда. Дьиҥэр, фабрика быйыл сайын улахан бырыһыаҥҥа ылбыт кирэдьиитин докумуонун 5 бырыһыаннаахха уларыттарар, онон олоххо киирэр кыахтаах. Оччоҕуна биһиги өрөспүүбүлүкэбит кылгас болдьохтооххо (биир сыллаах) үөһэттэн быһыллыбыт лимиитин толору туһаныан сөп. Оттон инвестиция (элбэх сыллаах) кирэдьиититтэн саха бааһынайдара, кэпэрээтэрдэрэ букатын даҕаны ытыстарын сотуннулар. Барытын киин уобаластар бөдөҥ агрохолдиннара ыйыстан кэбистилэр.

Василий НИКИФОРОВ,  «Саха сирэ» хаһыат, edersaas.ru

+1
0
+1
0
+1
0
+1
0
+1
0
+1
0
+1
0