С.А.Зверев-Кыыл Уола 120 сылыгар, Сунтаар улууһугар “Олоҥхо уонна Хомус” ыйыгар аналлаах «Эр хоһуун доллоһута туойдаҕына…» уолаттарга, эр дьоннорго олоҥхо тойуктарын толорууга күөн-күрэс
БАЛАҺЫАННЬАТА:
Тэрийээччилэр:
— Сунтаар улууһун култууратын уонна айылгытын салалтата @suntar_ukidr_official
— С.А.Зверев-Кыыл Уолун аатынан улуустааҕы норуот айымньытын киинэ @olonkho_suntar.
Буолар күнэ-дьыла: 2020 сыл, сэтинньи 9-27 күннэрэ.
Ыытыллар көрүҥэ: Куйаар ситиминэн.
Сыала-соруга: Олоҥхо тойугун толоруутун таһымын үрдэтии, инники сайдар кэскилин көрүү, саҥа талааннары арыйыы, улуус-улуус аайыттан биллэр-көстөр тойуксуттарын иһитиннэрии, билиһиннэрии, үйэтитии.
Ирдэбилэ:
• Күөн-күрэс 2 бөлөҕүнэн ыытыллар:
— 8-18 диэри саастаах биирдиилээн, бөлөҕүнэн уолаттар;
— 19-тан үөһээ саастаах биирдиилээн, бөлөҕүнэн эр дьоннор кыттыыны ылаллар.
• Толоруу хааччаҕа суох биир олоҥхо тойугун толорор.
• Тойукка саха тойугун сүрүн ирдэбиллэрэ: дьиэрэтэн тардыыта, кылыһаҕа, этэр тыла иһиллиитэ, бэйэ айан хоһуйуута биһирэнэр.
• Кыттыы иһин төлөбүр
— биирдиилээн кыттааччы 300 солк.,
— бөлөҕүнэн хас биирдии кыттааччы 100 солк.
Түмүк: сэтинньи 27 күнүгэр сайаапка ылыы тохтотуллар, сэтинньи ый 30 күнүгэр түмүк тахсар. Кыайыылаахтары дьүүллүүр сүбэ быһаарар.
Кылаан кыайыылаахха үрүҥ көмүс кур туттарыллыаҕа. Ону таһынан саастарынан икки бөлөххө арааран 1, 2, 3 миэстэлэр ананыахтара, анал ааттар иҥэриллиэхтэрэ, туоһу суруктар туттарыллыахтара.
Сайаапкаҕа кыттааччы толору аатын-суолун, улууһун, нэһилиэгин, толору сааһын, толорор нүөмэрин аатын суруйан ыытар.
Ону сэргэ толорор тойугун видеоҕа устан 89141109218 нүөмэргэ Потапова Дарияна Борисовнаҕа ватсабынан уонна dpotapova10@mail.ru электроннай аадырыска ыытар.
Усунуоһу 89841093036 нүөмэргэ Васильев Иван Федорович аатыгар тутабыт. (сбербанк, алмазэргиэнбанк)
Саха куттаах, саха тыллаах, саха тыыннаах ЭР ХОҺУУН! Олоҥхо дойдута СУНТААР сиригэр-уотугар Олоҥхо уонна Хомус ыйыгар ыалдьыттаа, кэрэ куоласкын иһитиннэр, бэйэҕин билиһиннэр.
edersaas.ru