Эр дьоҥҥо сааскы күүтүүлээх булт кэмэ саҕаламмытын туһунан СӨ Ил Дархана Айсен Николаев бэйэтин «Инстаграмыгар» таһаарбыт:
— Булт кэмэ — миэхэ айылҕаны кытта алтыһар, дууһалыын сынньанар кэмим буолар. Мин ордук сааскы кус кэмин күүтэбин. Миигин эр дьон өйдүөхтэрэ, тоҕо диэтэххэ, бастакы, сааскы куһу бултааһын туохха да тэҥнэспэт үөрүүлээх. Быйылгы дьылга булка хааччахтыыр миэрэлэр көрүллүбэтилэр, онон булчуттар дьаҥ тарҕамматын туһугар бары ирдэбили тутуһан туран сиргэ-уокка, булка сылдьыахтара диэн эрэнэбин! Байанайдаах булду баҕарабын. Бултуйбут хаартыскаларгытынан социальнай ситимнэргэ үллэстээриҥ.
Баай Байанай Тойон эһэбит,
Истэ, билэ сэргэҕэлээтин!
Көтөр кынаттааҕыттан, куһуттан-хааһыттан бэристин!, — диэн алгыс тыллаах этиитэ эр дьоҥҥо бултуу баралларыгар санааларын кынаттаатын.
Ульяна Захарова.