“ЭПЛ. Якутские бриллианты” аан дойду үрдүнэн биир саамай тэтимнээхтик сайдар ювелирнай хампаанньалартан биирдэстэрэ буолар. Маныаха хампаанньа иһигэр үлэһиттэри талыыга тустаах бэлиитикэ уонна сөпкө хайысхаламмыт үлэ систиэмэтэ тирэх буолар.
Талааннаах устудьуоннары уонна араас идэни баһылаабыт ыччаты талан үлэлэтии – хампаанньа биир сүрүн хайысхата. Бу хайысха чэрчитинэн, “ЭПЛ” М.К. Аммосов аатынан Хотугулуу-Илиҥҥи федеральнай университеты кытта кэпсэтэн, ювелир-закрепщик куурустарын арыйда. Кууруска сылдьыбыт эдэр исписэлиистэр бриллианы киэргэлгэ сөпкө олордуу искусствотын баһылыахтара.
Куурус икки ый устата “ЭПЛ” Дьокуускайдааҕы оҥорон таһаарыытын баазатыгар ыытыллыаҕа. Үөрэх бүтүүтэ устудьуоннар судаарыстыбыннай таһымнаах “ювелир-закрепщик” идэтин баһылаабыттарын туоһулуур дастабырыанньаны тутуохтара. Устудьуоннар уопуттаах үлэһиттэргэ үөрэнэллэрин таһынан анал истипиэндьийэ ылыахтара.
Маны таһынан, хампаанньа “Саха сирин дизайнердарын сойууһун” кытта тэҥҥэ үлэлэһэн эрэр. Ол курдук, Дьокуускайдааҕы художественнай училище худуоһунньуктарын эскиистэринэн “ЭПЛ” ювелирдара уонна алмааһы кырыылааччылара ураты көстүүлээх киэргэллэри оҥоруохтара. Бу үлэлэр Арассыыйа, Америка, Хорватия, Казахстан, Кипр о.д.а. дойдулар бастыҥ солуоннарыгар атыыга тахсыахтара. Оттон бастыҥ эскиистээх худуоһунньуктары хампаанньа үлэҕэ ылыаҕа.
“ЭПЛ Даймонд” Альянсын бэрэссэдээтэлэ Анатолий Лукич Никифоров инники былааннарын үллэстэр: “Билигин ЭПЛ оҥорон таһаарыытын баазатыгар ювелирнай киэргэл 3D-дизайнын оскуолата арыллаары турар. Бу оскуолаҕа эдэр исписэлиистэр айар үлэлэрин чочуйуохтара, оттон бастыҥнар биһиги хампаанньабытыгар үлэлии киирэр кыахтаныахтара”.
Киин үөрэх кыһаларыгар устудьуоннары хампаанньа үлэтин кытта билиһиннэрэр тэрээһиннэр ыытыллаллар. Бэйэлэрин үтүө өртүнэн көрдөрбүт абитуриеннар ЭПЛ-га быраактыланаллар, стажировкаларын ааһаллар. Кэлин үөрэхтэрин бүтэрдэхтэринэ хампаанньаҕа үлэлии киириэхтэрин, карьераларын оҥостуохтарын сөп.
Маннык куурустары ыытыы, анал оскуолалары тэрийии, үөрэх кыһаларын кытта бииргэ үлэлээһин ыччат үлэлэнэригэр көмө, сайдарыгар тирэх буолара саарбахтаммат.
Арассыыйаҕа киэргэли оҥорор биир бастыҥ хампаанньаны – “ЭПЛ. Якутские бриллианты” хампаанньаны кытта бииргэ сайдыҥ, баҕа санааҕытыҥ олоххо киллэриҥ!
РЕКЛАМА.