Доруобуйа

«ЭпиВакКорона» вакцина көдьүүһүн туһунан кэпсээтилэр

—«ЭпиВакКорона» вакцинаны ылбыт киһиэхэ, коронавирус утары үлэлиир иммунитет  90% үөскүүр. Бу туһунан чинчийиибит бигэргэтэр, – диэн «Вектор»  Судаарыстыбаннай научнай киин зоонознай инфекцияны уонна кирииби чинчийэр отдел сэбиэдиссэйэ Александр Рыжиков иһитиннэрдэ.  

edersaas.ru

Кини этэринэн бу вакцинаҕа нэһилиэнньэ улахан аҥаара иммунитеттанар үһү. Бу баҕалаах дьон чинчийиигэ кыттыбыттарыттан биллибит.

РФ бары эрэгийиэннэригэр быһыыны оҥороллор. Арассыыйа Доруобуйаҕа харыстабылын министиэристибэтэ былырыын, атырдьах ыйыгар, аан дойду үрдүнэн бастакынан вакцинаны регистрациялаабыта. Маҥнайгы вакцинаны Гамелея аатынан НИЦЭМ оҥорбута. Быһыыны  «Спутник V» диэн ааттаабыттара. Арассыыйаҕа коронавирус утары өссө эбии икки вакцина оҥоһуллубута.  «Вектор» киинтэн «ЭпиВакКорона» вакцина уонна Чумаков аатынан научнай киин «КовиВак» вакцинаны таһаарбыта.

Виктория Бястинова,

edersaas.ru саайт, «Саха сирэ» хаһыат.

0
0