Доруобуйа

«ЭпиВакКорона-Н» диэн саҥа вакцина оҥоһулунна

Арассыыйаҕа өссө биир вакцина регистрацияны ааспыт. Бу ГНЦ «Векторга» оҥоһуллар «ЭпиВакКорона» саҥа уларытыллыбыт көрүҥэ. Уларытыллыбыт вакцина «ЭпиВакКорона-Н» диэн ааттаммыт.

ГНЦ «Вектор» генеральнай дириэктэрэ Ринат Максютов этэринэн, вакцинаны уларытыы бу эми оҥорооһуну судургутуу уонна түргэнник таһаарыы туһугар оҥоһуллубут.

Саҥа вакцина эрдэтээҥи ханыытыттан улахан уратыта суох. Сүрүн үлэлиир эттигэ – коронавирус геномун үтүктэр үс пептид буолар. Саҥа вакцина икки петиды бииргэ холбообуттар, бу веществону оҥорон таһаарыы үлэтин судургутар.
— Инникитин  ый аайы мөлүйүөнүнэн дозалары оҥорор сыалтан, технологияны тупсарыы ирдэнэрэ, ону биһиги быһаардыбыт,-  диир Максютов.
«ЭпиВакКорона-Н» тургутуу толору эргимтэтин ааспыт, куттала суоҕун 75-тии киһилээх үс бөлөххө чинчийбиттэр.

«Саха сирэ» хаһыат, edersaas.ru

Хаартыска sakha.gov.ru

 

0
0