“ЭпиВакКорона”быһыыны кимнээх ыллылар?
Ахсыньы 24 күнүгэр Саха Өрөспүүбүлүкэтигэр “Вектор” вирусология уонна биотехнология судаарыстыбаннай научнай киинин “ЭпиВакКорона” быһыыны Саха сирин 600 тахса эмчитэ ылла.
Ахсынньы 28 күнүгэр Дьокуускай куорат 3 №-дээх балыыһатыгар коронавирус саҥа дьаҥын утары “ЭпиВакКорона” быһыыны мэдиссиинэ тэрилтэлэрин, Роспотребнадзор Саха сиринээҕи управлениетын үлэһиттэригэр оҥоруу саҕаланна. 600 тахса мэдиссиинэ үлэһитэ ылла диэн СИА-ҕа иһитиннэрдидэр.
Ахсынньы 24 күнүгэр Саха өрөспүүбүлүкэтигэр “Вектор” вирусология уонна биотехнология судаарыстыбаннай научнай киинигэр оҥоһуллубут “ЭпиВакКорона“ вакцина 1200 дозата кэлбитэ.
Быһыыны оҥорор кэбиниэттэр 39 тэрилтэҕэ, ол иһигэр 34 – оройуоҥҥа уонна Дьокуускайга – 5 сиргэ бэлэмнэннилэр.
Роспотребнадзор пресс-сулууспата иһитиннэрбитинэн, вакцина куттала суох, харайарга судургу, олохсуйбут ыарыыта суох 18-тан 60 диэри саастаахтарга барсар. Быһыыны 2-3 нэдиэлэнэн арыттаан иккитэ биэриэхтэрэ.
Күһүн балаҕан ыйыгар “Н.Ф.Гамалея аатынан НИЦЭМ” тэрилтэ оҥорбут “Гам-КОВИД-Вак” (Спутник V) 42 доза партията боруобаҕа кэлбитэ.
Ахсынньы ыйга эрэгийиэҥҥэ “ЭпиВакКорона” быһыытын үс партията 300, 500 уонна 1100 ахсааннаах кэлбитэ. Бу быһыы Дьокуускайга 5 мэдиссиинэ тэрилтэтигэр уонна 8 оройуон балыыһатыгар түҥэтиллибитэ.
СИА.
Бэлэмнээтэ Женни Стрюкова
Хаартыска: тустаах саайтан