Саха сиригэр эпидемия уустук кэмигэр авиация салаатын өйүүр миэрэлэри көрдүлэр
Саха сирин баһылыга Айсен Николаев муус устар 21 күнүгэр видео-кэмпириэнсийэ эрэсииминэн эпидемия уустук балаһыанньатын кэмигэр өрөспүүбүлүкэ авиацияҕа салаатын өйөөһүн боппуруостарыгар сүбэ мунньаҕы ыытта.
Айсен Николаев киирии тылыгар коронавирус пандемиятыттан сибээстээн, өрөспүүбүлүкэ авиацияҕа салаатын тэрилтэлэрэ экэниэмикэ саамай эмсэҕэлээбит салаатынан буолбутун бэлиэтээтэ. Саха сирин Бырабыыталыстыбата эрэгийиэннээҕи авиахампаанньалары уонна аэропуорт тиһиктэрин өйүүргэ кэккэ этиилэри былаас федеральнай уорганнарын көрүүлэригэр киллэрдэ. “Дойду атын эрэгийиэннэригэр тэҥнээтэххэ, биһиэхэ авиация салаата тырааныспар инфраструктуратын тирэҕинэн буолар сүрүн стратегическай салаанан буолар”, — диэн эрэгийиэн баһылыга бэлиэтээтэ.
Сүбэ мунньах кэмигэр “Якутия” АУо, “Полярные авиалинии” АУо, “АЛРОСА” АУо, “Дьокуускай аэропуорда”, “Аэропорты Севера ФКП” эрэгийиэннээҕи хампаанньалар салайааччылара ороскуоттары аччатыы бастакы уочараттаах миэрэлэрин уонна кириисиһи утары ыытар үлэлэрин туһунан отчуоттаатылар. Кинилэр коронавирус өрөспүүбүлүкэ авиацияҕа тэрилтэлэрин үлэлэригэр чопчулааһыннары ирдиирин эттилэр. Билиҥҥи туругунан өрөспүүбүлүкэҕэ пассажирдар айаннааһыннара 45-50 бырыһыан аччаата. Пассажирдары тиэйии уонна норуоттар икки ардыларынааҕы, эрэгийиэннэр икки ардыларынааҕы уонна олохтоох туһаайыыларга аччааһын авиация тэрилтэлэрин дохуота аччааһыныгар, ону тэҥэ дебиторскай иэс улаатыытыгар уонна үптэрин мөлтөөһүнүгэр тириэртэ.
Саха сирин Бырабыыталыстыбатын премьер-миниистирин э.т. Алексей Колодезников иһитиннэрбитинэн, РФ Тырааныспарка министиэристибэтин аадырыһыгар “Якутия”, “Полярные авиалинии”, “АЛРОСА”, “Дьокуускай аэропуорда” уонна “Аэропорты Севера ФКП курдук өрөспүүбүлүкэ авиахампаанньаларын өрөспүүбүлүкэ тырааныспарын салаатын сүрүн тэрилтэлэрин кэрискэтигэр киллэрэр туһунан этиилэри ыыппыт. Эрэгийиэҥҥэ салгын тырааныспарынан тиэйээччилэр үлэлэриттэн быһаччы нэһилиэнньэ тырааныспарынан хааччыллыыта уонна атын тырааныспар көрүҥэ суох тэйиччи сытар нэһилиэктэр олохторо тутулуктаах .
Саха сирин бырабыыталыстыбата Федеральнай Нолуок сулууспатын Саха сиринээҕи салаатыгар өрөспүүбүлүкэ авиатэрилтэлэригэр нолуок төлөбүрүгэр уһатан төлөөһүнү көрөр туһунан хадатаайыстыба ыыппыт. Ону тэҥэ эрэгийиэннээҕи бырабыыталыстыбаҕа уонна тырааныспар уонна суол хаһаайыстыбатын министиэристибэтигэр авиация тэрилтэлэрэ үбү-харчыны туттууларын кытаанахтык хонтуруоллуурга сорудахтанна.
Саха сирин баһылыга Айсен Николаев авиация хампаанньаларыгар уонна аэропуорт тиһиктэригэр судаарыстыбаннай өйөбүл оҥоһуллуохтааҕын бэлиэтээтэ. “Сүрүн сорук – бу пассажирдары тиэйиигэ куттал суох буолуутун миэрэлэрин хааччыйыы. Ону тэҥэ федеральнай үп көрүллүбүт өрөспүүбүлүкэ аэропуордун тиһиктэригэр былааннаммыт тутуу үлэтин ыытар ирдэнэр. Бу үлэлэр олохтоммут болдьоҕунан былаан быһыытынан барыахтаахтар. Бүгүҥҥү балаһыанньаҕа былааннаммыт тутуу үлэлэрин болдьоҕун сыҕарытар табыллыбат”, — диэтэ мунньаҕы түмүктүүрүгэр Саха сирин баһылыга.
Саха Өрөспүүбүлүкэтин Ил Дарханын уонна
Саха Өрөспүүбүлүкэтин Бырабыыталыстыбатын пресс-сулууспата.
Бэлэмнээтэ — Женни СТРЮКОВА.
Хаартыска: тустаах саайтан.