«Якутскэнерго» ПАУо Киин элэктэриичэскэй ситимнэрин үлэһиттэрэ уот ситимнэрэ ааһар сирдэрин үүммүт маһы ыраастыыллар. Тэрилтэ 1000-тан тахса км уһуннаах уот ситимин көрөр-истэр. Саха сирин киин улуустарыгар сыл саҥатыттан 1090,47 гектардаах сири илиинэн уонна анал тиэхиньикэлэр көмөлөрүнэн ыраастаатылар.
Энэргиэтиктэр тимир тиһиликтээх мульчерынан бөдөҥ маһы кыра гынан уокка отторго бэлэмнээтилэр. Сайын Амма улууһугар Сулҕаччы — Чурапчы, Амма – Болугур, Болугур – Өнньүөс хайысхаларынан лииньийэлэр бырасыакаларын мульчерынан ыраастаатылар. Бүгүҥҥү күҥҥэ анал тиэхиньикэ Мэҥэ Хаҥалас улууһун Суотту хайысхатынан үлэлиир.
«Быйыл ойуур баһаарыттан сылтаан Таатта, Томпо, Горнай, Нам уонна Уус Маайа улуустарыгар сыллааҕы былааны бэрт суһаллык үмүрүттүбүт. Бырасыакаларга үксүлэригэр ойуур баһаара турбута», – диэн Киин элэктэриичэскэй ситимнэр кылаабынай инженерэ Михаил Варейкис иһитиннэрдэ.
edersaas.ru