Энергетиктэр уот ситимин сөргүтэр үлэни саҕалаатылар

Ааптар: 
23.08.2021
Бөлөххө киир:

Энергетиктэр ойуур баһаарыттан эмсэҕэлээбит ЛЭП ситимнэрин үксүн сөргүппүттэрин туһунан иһитиннэрдилэр. Кураан саҕаланыаҕыттан Саха сирин энергетиктэрэ 71 уот остуолбатын өрөмүөннээбиттэр, 113 уоттан эмсэҕэлээбит остуолбаны уларыппыттар.

Сөргүтүү үлэтэ билигин даҕаны бара турар, уот ситимэ үлэлээбэт кэмигэр сэлиэнньэлэргэ дизелинэн ыстаансыйалар үлэлииллэр. Ойуур баһаардара буола турбут кэмнэригэр саппаас ыстаансыйалар үлэлииллэрин туһугар «Якутскэнерго» ситимниир тэрилтэлэригэр 2650 туонна сэлээркэ бараммыт.

Уот турбут кэмигэр баһаартан ПАО «Якутскэнерго» 24 уот ситимэ күүскэ эмсэҕэлээбит.

Бэс Күөл сэлиэнньэҕэ энергетиктэр саҥаттаан ситими үллэрэр ыстаансыйаны тутуохтаахтар, ол иһигэр 10-0,4 кВ күүстээх 42 уот остуолбатын. Үлэни балаҕан ыйын 12 күнүгэр түмүктүүр былааннаахтар.

Өрөспүүбүлүкэҕэ уот ситимин олоччу үлэлиир турукка киллэриигэ быһа холоон 4 нэдиэлэ барыан сөп диэн сабаҕаланар. Ол кэмҥэ сэлиэнньэлэргэ дизель уматыгынан үлэлиир ыстаансыйалар (ДЭС) үлэлиэхтэрэ.

«Саха сирэ» хаһыат, edersaas.ru

Хаартыска Якутия. Оперштаб телеграм-ханаалтан

+1
0
+1
0
+1
0
+1
0
+1
0
+1
0
+1
0