Сангаар олохтооҕо Анна Максимова кэргэнэ түһэрэн ыыппыт хаартыскатын үөрэ-көтө көрдөрөр. Саҥа уот баҕаналара кинилэр тэлгэһэлэрин таһыгар турбуттар. Бу күннэргэ Кэбээйитээҕи электрическэй ситим энергетиктара линияны олбуор таһыгар таһаарбыттар.
edersaas.ru
«Биһиги тиэргэммит иһинэн уот баҕаналара ааһаллар этэ. Ону хайдах көһөрөбүн диэн ыйыталаспыппар, бэйэҕит харчыгытынан оҥорторуоххутун эбэтэр эһиэхэ сир биэрбит олохтоох дьаһалтаны кытта сууттаһыаххытын сөп диэбиттэрэ. Ол иһин энергетиктарга көмө көрдөөн сайабылыанньа суруйбутум. Хата, кыһалҕабытын быһаардылар!», — диэн кини санаатын үллэстэр.
«Биһиги дьоҥҥо көмөлөһөргө мэлдьи сөптөөх суолу тобуларга дьулуһабыт. Хаһан да биир халыыбынан үлэлээбэппит. Тугу көмөлөһөр кыахтаахпытый, ол биһигиттэн тутулуктаах дуо диэн барытын ырытан көрөбүт», — диир «Якутскэнерго» салайааччыта Александр Слоик.
Кэбээйитээҕи электрическэй ситим үлэһиттэрэ элбэх оҕолоох ыалга көмөлөстүлэр. Конденсационнай электростанцияттан ааһар уот ситимин сорҕото кинилэр дьиэ туттан бүтэллэригэр мэһэйдии турбутун тэйитэн биэрдилэр. Кэбээйитээҕи электрическэй ситим дириэктэрэ Михаил Мякишев бу боппуруоһу хонтуруоллаабыт: «Төһө кыалларынан түргэнник үлэлии сатаатыбыт. Дьон дьиэ-уот туттара сөп бөҕө буоллаҕа дии, элбэх оҕолоох ыалга көмөлөһөр олус үчүгэй».
«Сахаэнерго» пресс-сулууспата