Эмтэнэ барарга чэпчэтиилээх билиэттэри туһанабыт

Бөлөххө киир:

Өрөспүүбүлүкэ нэһилиэнньэтигэр  оҥоһуллар социальнай өҥөлөргө эмтэнэр сиргэ барыы уонна кэлии ороскуотун төлөөһүн эмиэ киирсэр.

edersaas.ru

Ол эбэтэр эмтэнэ барыы уонна кэлии ороскуотун төлөбүрэ (ол иһигэр, мэдиссиинискэй көрдөрүүлэринэн  Москва, Санкт-Петербург, Новосибирскай, Хабаровскай куораттарга) салгын тырааныспарыгар билиэти ылар толуоҥҥа олоҕуран оҥоһуллар.

Билиэти ылыы толуоннара Дьокуускай куоракка Лермонтов аатынан уулусса 126 №-дээх дьиэтигэр, Эмтэнээччилэри өйүүр уонна  арыаллыыр биир кэлим киин үрдүк технологиялаах мэдиссиинискэй көмө отделыгар бэриллэр.

Толуону бэйэҥ эбэтэр эн бэрэстэбиитэлиҥ ылыан сөп. Толуонунан билиэти “Якутия” авиакомпания”  АХ каассаларыттан эрэ атыылаһыллар.

Онтон өрөспүүбүлүкэ атын  куораттарыгар уонна нэһилиэнньэлээх пууннарыгар олорор дьон билиэттэрин бэйэлэрэ атыылаһыахтарын  уонна кэлэн баран 15 күн иһигэр  төлөбүрү толуйтарарга докумуоннарын СӨ Доруобуйа харыстабылын министиэристибэтигэр биэриэхтэрин наада (09.00-13.00 ч. диэри).

Үрдүк технологиялаах көмөнү оҥоруу уонна санаторийга-курортка эмтэнии туһунан 31-93-47 нүөмэргэ эрийэн билсиэххитин сөп.

Надежда ЕГОРОВА, «Саха сирэ», edersaas.ru

+1
0
+1
0
+1
0
+1
0
+1
0
+1
0
+1
0