Росздравнадзор Саха сирин аптекаларыгар эмп саппааһа элбэҕин туһунан иһитиннэрдэ.
Алтынньы 13 күнүнээҕи туругунан, Саха сирин аптекаларыгар коронавирус дьаҥын эмтииргэ туһаныллар «Гидроксихлорохин», «Азитромицин», «Интерферон-альфа», «Арбидол», «Амоксиклав» уонна «Парацетамол» төһө баарын кэтээн көрүү түмүгүнэн, аптекаларга уопсайа 479 хаа «Гидроксихлорохин», 12809 хаа «Азитромицин», 7588 хаа «Интерферон-альфа», 9536 хаа «Арбидол», 12261 хаа «Амоксиклав», 74286 хаа «Парацетамол» саппааһа баар эбит.
Ааспыт нэдиэлэҕэ Үөһээ Халыма, Дьааҥы, Нам уонна Ньурба оройуоннарыгар вируһу утары охсуһар эмтэр кэлбиттэр.
Арай бу соторутааҕыта аптекаларга маркировкалыыр бырагыраамма систиэмэтин үлэтэ кыһалҕалана сылдьыбыт. Онтон сылтаан вируһу утары охсуһар эмтэри атыылыырга харгыстар үөскүү сылдтыбыттар.
Ульяна Захарова, «Саха сирэ» хаһыат, edersaas.ru