СӨ култууратын миниистирин
бастакы солбуйааччы Владислав Левочкин бу күннэргэ Амма Эмиһигэр үлэлээтэ. Бу туһунан нэһилиэк дьаһалтата иһитиннэрдэ.
Куораттан кэлбит делегацияны улуус баһылыгын солбуйааччы Саргылаана Борисова, култуура управлениетын начальнига Евдокия Сутакова арыаллаатылар. Владислав Валерьевич Саппыйаҕа Уурастыырап комплексын, Арчы дьиэтин көрдө. Арчы дьиэтин 2024 сыллааҕы Олонхо Ыһыаҕын иннинэ өрөмүөннүүргэ сайаапка түһэрэргэ эттэ.
— Аммаҕа ыһыахтыы кэлэр ыалдьыттар бары Арчыбыт дьиэтин нөҥүө ааһалларын тэрийиэхпит. Салгыы тутулла турар кулууппут дьиэтигэр киирэн көрдө, 2021 сыллаах бүддьүөккэ 1 мөл. солк. сыаналаах LED-экраҥҥа (задник) сайаапка түһэрэргэ эттэ. Уурастыырап искибиэригэр тиийэн сиппэтэҕин көрдө, астымматаҕын биллэрдэ, маннык түгэҥҥэ, юристары кытта сүбэлэһэн баран, бэдэрээтчит «Рублефф» тэрилтэни суукка биэрэр оруннааҕын эттэ. Дьаһалтаҕа буолбут түмүктүүр мунньахха Левочкиҥҥа библиотекарь П.Р.Бубякина 800 тыһ. солк. суумалаах модельнай библиотека куонкуруһугар кыттарын сүбэлээтэ. Улуус салалтатын кытта дьүүллэһии кэннэ сайаапканы 2022 сылга, МФОК-пут толору үлэҕэ киирбитин кэннэ, эбийиэк докумуонун туппуппут кэннэ сайаапканы биэрэргэ сүбэлээтэ. Оччотугар федеральнай граҥҥа кытыннаран сууманы 800-тэн 5 мөлүйүөҥҥэ диэри улаатыннарыахтарын сөп, — диэн Эмис нэһилиэгин баһылыга Прокопий Бубякин кэпсээтэ.
edersaas.ru