Маны аах Тыа хаһаайыстыбата

Эмис нэһилиэгэ окко былаанын 90 % толордо

Амма улууһугар оттооһуҥҥа биир бастыҥ көрдөрүүлээҕинэн Эмис нэһилигэ буолар.

– Күн бүгүҥҥү туругунан, 1 тыһ. 800 туоннаны оттоон, 920 ынах сүөһүбүтүн, 810 сылгыбытын кыстатар оппут 90 %-ын хааччынныбыт. Төһө да кураан буоллар, тоҕоостоох кэмигэр син ардаан, үүнүү куһаҕана суох буолла. Ол курдук, бастаан ыһыах саҕана, онтон от ыйын 11-12 күннэригэр уонна от ыйын бүтүүтүгэр түспүтэ.

Аны оттуур саҕана күн-дьыл туран биэрэн, чахчы үчүгэй хаачыстыбалаах от оттонно. Олом Күөл учаастагар былырыын уот сиэбит сирэ үчүгэйдик үүнэн, оту онтон бастыбыт, үс мобильнай биригээдэ тахсан үлэлээтэ. Чааһынай ыаллар үгүстэрэ кыстыыр отторун хааччынан, хотуурдарын ыйаатылар. Билигин икки хаһаайыстыба оттуу сылдьар, – диэн нэһилиэк баһылыга Прокопий Бубякин төлөпүөнүнэн иһитиннэрдэ.

Раиса Сибирякова.

0
0