Эмчиттэри бэлэмнээһиҥҥэ бырагыраама бэлэмнииллэр

Ааптар: 
Бөлөххө киир:

Бэҕэһээ Ил Дархан Айсен Николаев быһа эпиир кэмигэр анал идэлээх быраастар ордук хоту улуустарга тиийбэттэрин туһунан боппуруоска эмчиттэри бэлэмнииргэ анал бырагыраама оҥоһулларын туһунан иһитиннэрбитэ:

Өскө урукку сылларга биһиги дойду эрэгийиэннэриттэн эмчиттэри көрдөөн булар эбит буоллахпытына, билигин анал идэлээх быраас киин сирдэргэ кытта тиийбэт буолла. Онон мэдиссиинэ салаатыгар үөрэниэн баҕалаах оҕолорго утары баран, ыччаты эмчит идэтигэр уһуйууга ураты болҕомто ууруллар. Эмчиттэри бэлэмнээһиҥҥэ тустаах бырагыраама оҥоророго былаанныыбыт. Маныаха ХИФУ мэдиссиинискэй институтун саҥа дьиэтин тутууга үлэлэһэбит. Суолталаах эбийиэк бырайыактыыр-сметалыыр докумуона оҥоһуллан бүтэн эрэр.

Маны тэҥэ Ил Дархан Саха сиригэр Бүлүүгэ, Чурапчыга, Уус Майаҕа, Хонууга уонна Ытык Күөлгэ биэс балыыһа бөдөҥ комплекса тутулла турарын бэлиэтээтэ.

Елена ПОТОЦКАЯ, “Саха сирэ” хаһыат, edersaas.ru

+1
0
+1
0
+1
0
+1
0
+1
0
+1
0
+1
0