Алтынньы 27 күнүгэр доруобуйа харыстабылын үлэһиттэрэ – хотугу сир аҕыйах ахсааннаах төрүт норуоттарын бэрэстэбиитэллэрэ Петр Алексеев аатынан уулусса 87/7 аадырыска саҥа уопсай дьиэҕэ киирдилэр.
edersaas.ru
Бу күн хотугу сир аҕыйах ахсааннаах норуоттарын дьокутааттара, бырабыыталыстыба чилиэннэрэ, министиэристибэлэр уонна биэдэмистибэлэр бэрэстэбиитэллэрэ саҥа дьиэҕэ киирээччилэри эҕэрдэлээтилэр уонна кыбартыыралар күлүүстэрин туттардылар.
СӨ доруобуйа харыстабылын миниистирин бастакы солбуйааччы Олег Припузов эбийиэги тутууга билигин Судаарыстыбаннай Дуумаҕа дьокутааттыыр Галина Данчикова улахан оруоллааҕын бэлиэтээтэ. Олег Алексеевич министиэристибэ уонна биэдэмистибэлэр салалталарын, чуолаан, «Фтизиатрия» киинин сэттэ мэндиэмэннээх уопсай дьиэни тутууга үлэлэрин иһин махтанна.
Бырабыыталыстыба бэрэссэдээтэлин солбуйааччы Алексей Дьячковскай уопсай дьиэҕэ киирбит 69 ыалга үөрүүнү, дьолу, оҕо дьоллоох саҥата иһиллэ турарыгар баҕарда.
Надежда ЕГОРОВА, «Саха сирэ» хаһыат, edersaas.ru
+1
+1
+1
+1
+1
+1
+1