Эмчиттэр эбии төлөбүрү нолуок көҕүрэтиитэ суох ылыахтарын сөп
15.04.2020
Бүгүн РФ бэрэсидьиэнэ Владимир Путин бырабыыталыстыба чилиэннэрин кытары видео-сибээһинэн кэпсэтиитигэр коронавирустаах ыарыһахтары кытары үлэлии сылдьар үрүҥ халааттаах аанньалларга төлөбүр боппуруоһун таарыйда.
edersaas.ru
Урут этиллибитин курдук, коронавируһунан ыалдьыбыт дьону кытары күннэтэ үлэлии сылдьар эмчиттэр 80, 50, 25 тыһыынчалыы солкуобайы хамнастарыгар эбии ылыахтаахтар. Бу үлэһити көҕүлүүр төлөбүрдэртэн, баар сокуон быһыытынан, нолуок кээмэйэ көҕүрэтиллиэхтээх.
Дойду баһылыга инники кэккэҕэ сылдьар эмчиттэргэ бу төлөбүрдэрин нолуок көҕүрэтиитэ суох ылалларын туһугар нуорма-быраап баазатыгар уларыйыылары киллэрэргэ эттэ.
Надежда ЕГОРОВА, “Саха сирэ”, edersaas.ru
+1
+1
+1
+1
+1
+1
+1