Бу күннэргэ сыстыганнаах дьаҥы утары түбүктээх үлэҕэ сылдьар дьоҥҥо аналлаах Бүтүн сойуустааҕы #БыраастаргаМахтал аахсыйа ыытылла турар.
edersaas.ru
Бу аахсыйаҕа кыттыһан, волонтердар Дьокуускай куораттааҕы эмп тэрилтэлэрин эмчиттэригэр «Чэйдээх махталы» оҥордулар. «Махтал» бакыатыгар толору чэй, кофе, сакалаат, бэчиэнньэ, сушка уонна кэмпиэт арааһа угуллубут.
«Ньыгыл Арассыыйа» волонтердарын киинин актыбыыыстара сүүстэн тахса «Чэйдээх махтал» бакыаттарын Өрөспүүбүлүкэтээҕи харах балыыһатын, Суһал медицинскэй көмөнү оҥорор киин, 3 №-дээх балыыһа, Оҕо куораттааҕы балыыһатын эмчиттэригэр туттардылар.
Өрөспүүбүлүкэтээҕи харах балыыһатын кылаабынай бырааһа Анатолий Назаров волонтердарга махтанан туран, «маннык уустук кэмҥэ эмчиттэргэ дьон тустаах өйөбүлэ киһи санаатын көтөҕөр» диэн бэлиэтээтэ.
Елена ПОТОЦКАЯ, «Cаха сирэ» хаһыат, edersaas.ru
Хаартыска — СӨ Бырабыыталыстыбатын саайтыттан.
+1
+1
+1
+1
+1
+1
+1