Намныыр суол 13-с биэрэстэтигэр баар «Эм» бааһынай хаһаайыстыба бааһынатыгар хаппыыста, моркуоп, сүбүөкүлэ уо.д.а. хаалан эрэрин, онон ким баҕалаах тиийэн босхо хомуйан ылыан сөбүн туһунан сурах бүгүн ватсаабынан тарҕанна.
Ити төһө кырдьыгын-сымыйатын билээри биһиги Эмнэргэ төлөпүөннүү сырыттыбыт. Онуоха ийэлэрэ Мария Николаевна Эм маннык эттэ:
— Кырдьык, үүнүүбүт сороҕун кыайан хомуйбакка хааллардыбыт, ону ким баҕалаах баһаалыста тиийэҥҥит төһөнү кыайаргытынан хомуйан ылыҥ.
Раиса Сибирякова, “Саха сирэ” хаһыат, edersaas.ru.
Хаартыскаҕа: Сурдлимпийскай чемпион Василий Стрекаловскай бу «акцияны» туһанна, бэйэтин иномаркатын багааһын толору хаппыыстаны тиэннэ.
+1
+1
+1
+1
+1
+1
+1