Дьокуускайга «Арассыыйа — мин устуоруйам» пааркаҕа «Эллэй суолунан. Геокултуурунай уобарастар» («Путь Элляя. Геокультурные образы») диэн мультимедийнэй экспозиция арыллыыта үөрүүлээх быһыыга-майгыга буолла. Өрөспүүбүлүкэ 100 сыллаах үбүлүөйүнэн үүнэр көлүөнэҕэ дойдуга бэриниилээх буолуу, тапталы иҥэрэр соруктаах ураты быыстапка арылынна.
Устуоруйаны ситимниир, саха норуотун олоҕун суолун, дириҥ устуоруйатын аныгы цифровой тиэхиньикэнэн уонна ускуустуба классика жанрыгар олоҕуран көрдөрүү өрөспүүбүлүкэҕэ олохсуйбут норуоттар социальнай-экэнэмиичэскэй, научнай уонна култуурунай таһымнарын туоһута буолла. Научнай-тэхиньиическэй сайдыы ускуустубаҕа саҥа мультимедийнэй жанрын бэлэхтээтэ.
Быыстапка үөрүүлээх арыллыытыгар СӨ Ил Дархана Айсен Николаев, куорат баһылыга Евгений Григорьев, култуура уонна духуобунай сайдыы миниистирэ Юрий Куприянов ыалдьыттаатылар.
СӨ Ил Дархана Айсен Николаев өрөспүүбүлүкэ күнүнэн эҕэрдэ тылын эттэ: