«Спорт — олох нуорумата» федеральнай бырайыак иитинэн, «Эллэй Боотур» биир саамай улахан муустаах дыбарыаска саҥардыы үлэтэ ыытыллар.
Бу туһунан СӨ физкултуура уонна успуорт миниистирэ Иннокентий Григорьев иһитиннэрдэ диэн ТАСС суруйар.
» 2021 сылга 25 мөл.солк. ылан, «Эллэй Боотур» дыбарыаска тымныыны тутар тэрилин бүүс-бүтүннүү уларытабыт«, — диир Григорьев. 2020 сылга өрөспүүбүлүкэҕэ успуорт икки эбийиэгэ тутулунна. «Бу Аллараа Бэстээххэ ахсынньы 25 күнүгэр аһыллыбыт бассейннаах успуорт комплекса уонна Бэрдьигэстээххэ олунньуга аһыллыахтаах элбэх хайысхалаах успуорт саалата. Билигин онно кыра ситэрии үлэтэ ыытыллар«, — диэн бэлиэтиир. Ити саалаҕа «Манчаары оонньууларыгар» күрэхтэһии ыытыллыахтаах.
«2020 сылга федеральнай бырайыак иитинэн субсидия быһыытынан судаарыстыба өйөбүлүн 4,629 мөл.солк. өрөспүүбүлүкэҕэ спортивнай эрэллэри бэлэмниир алта организация ылбыта. Субсидия спортивнай малы-салы, тэрили ыларга анаммыта, ону сэргэ, тэрээһиҥҥэ баран кыттарга. Ону сэргэ, биһиги аҕыс оройуону ГТО тэрилинэн хааччыйбыппыт«, — диэн миниистир эбэн биэрэр. Итиэннэ 2021 сылга бу үлэ салҕанарын, өрөспүүбүлүкэ спортивнай оскуолаларын наадалаах тэрилинэн уонна спортсменнар күрэхтэһиилэргэ баралларын хааччыйар былааннаахтарын этэр.
Былырыын «Эллэй Боотур» дыбарыаска кыһыҥҥы көрүҥнэргэ дьарыктыыр успуорт өрөспүүбүлүкэтээҕи оскуолата хоккеистары бэлэмнииргэ уопсайа 25 мөл.солк. суумаҕа спортивнай-технологическай тэрили ылбыт.
«Спорт—олох нуорумата» бырайыак «Демография» национальнай бырайыак биир хайысхатынан буолар.
ТАСС, Юлия Бочкарева
+1
+1
+1
+1
+1
+1
+1