Элгээйи урбаанньыта 10 мөлүйүөннээх грант сүүйдэ

Ааптар: 
Бөлөххө киир:

Сунтаар улууһун Элгээйитин урбаанньыта  Оксана Яковлева  РФ Тыа хаһаайыстыбатын министиэристибэтин «Агротуризм» диэн саҥа гранын сүүйдэ. Бу туһунан Тыа хаһаайыстыбатын министиэристибэтэ иһитиннэрдэ. 

Судаарыстыбаннай өйөбүл суотугар эһиил сэлиэнньэҕэ тыа сирин туризмын сайыннарар сыаллаах сынньалаҥ баазата аһыллыаҕа. Оксана Яковлева бааһынай хаһаайыстыбата Элгээйигэ баар. Билиҥҥитэ 83 сылгылаахтар уонна 24 сүөһүлээхтэр. Саҥа сынньалаҥ баазата сэлиэнньэттэн икки килэмиэтирдээх сиргэ — сылгы баазатын таһыгар баар буолуоҕа. Сынньанар сири «Подкова на счастье» диэн ааттаабыттар.

Грант харчытынан модульнай дьиэлэри, ыалдьыттарга анаан шатердары, туристическай өҥөнү оҥорорго аналлаах араас тэрили атыылаһар былааннаахтарын туһунан Оксана Яковлева кэпсээтэ.

Баазаҕа сынньана кэлбит дьон   ынах ыы, сүөһүнү  аһата үөрэниэхтэрин сөп. Инньэ гынан тыа сирин олоҕун-дьаһаҕын билсиэхтэрэ, —  диэн эбэн эттэ.

edersaas.ru

+1
0
+1
0
+1
0
+1
0
+1
0
+1
0
+1
0