Бэҕэһээ төрөөбүт дойдум 250 сылын бэлиэтиир өрөгөйдөөх үбүлүөйүгэр ыалдьыттаатым.
Бастакы тэрээһининэн «Дьуоҕалаах» үүт-табаарынай пиэрмэтин искибиэрэ арылынна. Маны Раиса Иванова салайааччылаах Дьуоҕалаахха үлэлээбит туруу үлэһиттэр көҕүлээн, үбүнэн кыттыһан, ону кытта нэһилиэк, улуус дьаһалталара, улуус гранын көмөлөрүнэн тутулунна. Итиэннэ улууспут тэрилтэлэрэ, ол иһигэр «Айан Суол» ХЭТ, «Корона» маҕаһыын о.д.а. көмө буолбуттара.
Өрөгөй түгэҥҥэ улахан кэнсиэр кэмигэр улуус баһылыга Анатолий Григорьев ыалдьыттаан наҕараадалары туттарда. Ол курдук Май Павловка «СӨ үтүөлээх тренерэ», Олег Поповка «Гражданскай килбиэн», Светлана Поповаҕа «Муниципальнай сулууспа бэтэрээнэ», Алевтина Павловаҕа Урбаан сайдыытын министерствотын грамотата, Гаврил Яковлевка муниципальнай тэриллиилэр сэбиэттэрин грамотата, Прокопий Егоров-Ураҥҥа, Владимир Семеновка улуус култууратын сайдыытыгар кылааттарын, Анна Иванова үөрэҕирии эйгэтигэр сүҥкэн кылаатын, Мария Саввинова-Егорова тыа хаһаайыстыбатын сайдыытыгар кылаатын иһин анал бэлиэнэн наҕараадаланнылар.
Бу күн Бэтэринээрнэй сулууспа саҥа дьиэтэ арылынна. Бу саас Григорий Иванов аатын сүкпүт бэтэрэнэриийэ бэс ыйыттан тутуута саҕаланан номнуо түмүктэннэ. Манна нэһилиэк, улуус, Сунтаардааҕы ветеринария салалтата улахан көмөлөөхтөр.
Маны таһынан 1986 сыллаахха оскуоланы бүтэрбиттэр «Туойдаах Алаас» түмэл аттыгар «Сайда тур Элгээйим» арт-эбийиэк бэлэх ууннулар. Онтон 1981 сыллаахха оскуоланы бүтэрбиттэр уһуйааҥҥа ноутбук бэлэх ууннулар.
Мария Кобельянова-Тускулаана, Сунтаар
+1
+1
+1
+1
+1
+1
+1