Елена Волкова: «Бэрэсидьиэн социальнай үлэһиттэргэ махталын биллэрдэ»

Бөлөххө киир:

СӨ үлэҕэ, социальнай сайдыыга миниистирэ Елена Волкова бэрэсидьиэн Владимир Путин Анал этиитин туһунан санаатын үллэһиннэ.

Бэрэсидьиэн Анал этиитин баһыйар үгүс чааһа социальнай эйгэҕэ, нэһилиэнньэни өйүүргэ, дьадайыыны утары охсуһууга, демографическай сайдыыга туһуламмыт. От ыйын 1 күнүттэн аҥаардас төрөппүттэргэ, хат дьахталларга көмө саҥа миэрэлэрэ ылыллыахтара, онон оҕолоох дьиэ кэргэттэри өйүүр систиэмэ кэҥээн биэрэр.

Дойду аҕа баһылыга социальнай сулууспалар, кырдьаҕастар интэринээт-дьиэлэрин үлэһиттэригэр туһулаан махтал тылларын эппитин олус үөрэ иһиттибит. Уустук кэмҥэ үлэһиттэрбит мөлтөөн-ахсаан биэрбэккэ, чиҥээн, эппиэтинэстэрэ өссө үрдээн биэрдэ. Бүгүҥҥү күҥҥэ Саха сиригэр социальнай көмүскэл систиэмэтигэр 5,5 тыһыынча киһи үлэлиир. Реабилитационнай кииннэр, интэринээт-дьиэлэр, социальнай хааччыйыы үлэһиттэригэр үрдүк эппиэтинэс сүктэриллэр – үлэ, хамнас, дуоһунас эрэ туһуттан буолбакка, сүрэхтэрин ыйыытынан кыаммат дьоҥҥо көмөлөһөр, үтүө дьыаланы үксэтэр аналлаахтар, — диэн кини эттэ.

Ангелина Васильева, “Саха сирэ” хаһыат, edersaas.ru

Хаартыска: sakha.gov.ru

+1
0
+1
0
+1
0
+1
0
+1
0
+1
0
+1
0