«Саха сирэ» хаһыат, edersaas.ru саайт уопсастыбаннай кэрэспэдьиэнэ Елена Прокопьева Арассыыйа Украинаны кытта сыһыанын тула санаатын үллэстэр:
— Аан дойду атыйахтаах уу курдук аймана турар. Бу маннык кэмҥэ саҥата суох олорор, санааны этиммэт букатын сатаммат дии саныыбын. Арҕааҥҥы дойдулар Арассыыйа диэки ардай аһыыларын көрдөрдүлэр, араас санкцияларынан суоһурҕаннылар! Мин сэрии кэннинээҕи көлүөнэ оҕото буоларым быһыытынан Дьобуруопа дойдуларын маннык быһыыларыттан кэлэйэбин.
Дойду бэрэсидьиэнэ В.В. Путин быһаарыныыта, мин санаабар, сөптөөх. Биллэн турар, бу үөскээбит быһыы — майгы дойдубут олоҕор кэккэ ыарахаттары үөскэтэр. Ол эрээри биһиги норуоппут элбэх тургутууну этинэн-хаанынан билбит, ону барытын эрдээхтик тулуйан кыайыыны ситиспит норуот. Бу да сырыыга тулуйуоҕа, эрэллээхтик иннин диэки барыаҕа! Киэҥ көҕүстээх буолуохха, уолуйумуохха! Оччоҕо барыта этэҥҥэ буолуо!