Сайда-үүнэ тур Сахам сирэ!
Улуу Өктөөп тэргэнин
Ньиргиэриттэн уһуктан,
Сайдан-үүнэн барбытыҥ,
Сахам сирэ барахсан!
Хараҥаттан сырдыкка,
Хаалыыттан сайдыыга
Тахсар суолу булбутуҥ,
Талаһаҕын уурбутуҥ.
Уоттаах сэрии толоонугар
Уһаарыллан буспутуҥ,
Улуу Кыайыы туһугар
Уоту-ууну ааспытыҥ.
Бүгүн сахам кыраайа,
Бастыҥнарга сылдьаҕын,
Бары көххө кыттаҥҥын ,
Балысханнык сайдаҕын.
Улуу Лена эбэҕэ
Модун муоста тутуллан,
Сырыы-айан элбиэҕэ,
Сыыдамсыйыа, түргэтиэ.
Сайдыы саҥа суолунан
Саргы-дьаалы тардыһан,
Үрдүк сыалга дьулуһан,
Үөрүүбүтүн үрдэтиий!
Үбүлүөйдээх сылынан
Үөрэн-көтөн тураммыт,
Уран саха тылынан
Уруй-айхал этэбит!
Елена Прокопьева.
+1
+1
+1
+1
+1
+1
+1