Елена Прокопьева «Наахара уоттара»

Ааптар: 
Бөлөххө киир:

Наахара уоттара

Наахара чаҕыл уоттара
Ыҥыраллар, угуйаллар,
Наахара сырдык кыымнара
Ымсыырдаллар, абылыыллар!

Онно кыһын да тымныыта
Сылааһынан илгийэр,
Онно чысхаан да буурҕата
Сирэйгин имэрийэр.

Наахараҕа туох баар барыта
Санааларгын манньытар,
Нуурал дьикти тулата
Сылаанньыта уоскутар.

Наахараҕа халлаана да
Кыйаар үрдүк курдук эбит,
Намылыйбыт хатыҥа да
Кэрэтийэн көстөр эбит!

Уоттаах түүҥҥү Наахарабыт
Ахтылҕана күүстээҕиэн,
Угуйар сулустаах
халлаана
Абылаҥнаах эбитиэн!

Елена Прокопьева, Мэҥэ Хаҥалас, «Таммахтар» айар холбоһук.

+1
0
+1
0
+1
0
+1
0
+1
0
+1
0
+1
0