Ил Түмэн аҕыйах ахсааннаах норуоттар дьылаларыгар сис кэмитиэтин бэрэссэдээтэлэ Елена Голомарева дойду Аҕа баһылыга Владимир Путин Украинаҕа сыһыаннаах быһаарыыларын өйүүрүн туһунан иһитиннэрдэ.
-Олунньу 21 күнүгэр РФ бэрэсидьиэнэ Владимир Путин Донецкай уонна Луганскай норуодунай өрөспүүбүлүкэлэрэ көҥүл буолалларын билинэр туһунан ыйаахха итиэннэ дойдулар доҕордоһууларын, хардарыта көмөлөсүһүүлэрин туһунан дуогабарга илии баттаабыта. Бу өрөспүүбүлүкэлэр олохтоохторо аҕыс сыл устата кутталга олорбуттара. Онон дойду Аҕа баһылыга В.В. Путин анал байыаннай операцияны ыытыы туһунан быһаарыныытын өйүүбүт. «Биир ньыгыл Арассыыйа» бэлитиичэскэй баартыйа приемнайа Луганскайтан уонна Донбасстан кэлэр дьоҥҥо анаан таҥаһы-сабы, харчынан көмөнү хомуйууну саҕалаата. Маны таһынан «Биир ньыгыл Арассыыйа» баартыйа бэрэссэдээтэлэ Д.А. Медведев эрэгийиэннээҕи уопсастыбаннай приемнайыгар гуманитарнай көмөнү оҥорор пуун үлэлээн эрэр. Онон, Донецкай уонна Луганскай норуодунай өрөспүүбүлүкэлэр олохтоохторугар ким баҕарар көмөлөһүөн сөп. Пуун аадырыһа: Дьокуускай куорат, Аммосов уул., 18, 2 этээс, 4 кэбиниэт, эрэгийиэннээҕи уопсастыбаннай приемнай. Билсэр төлөпүөннэргит: 34-28-84, 42-39-27. Үлэлиир кэмэ: 09:00 ч -. 17:00 ч., — диэн Елена Голомарева эбэн эттэ.
edersaas.ru