Бүгүн, атырдьах ыйын 23 күнүгэр, коронавируһу бохсууга суһал ыстаап брифинин СӨ Доруобуйа харыстабылын миниистирэ Елена Борисова оҥордо.
Миниистир этэринэн, кэнники сууккаҕа 140 киһи ыарыыга сутуллубут, ол иһигэр үгүс киһи Дьокуускай куоракка ыалдьыбыта бэлиэтэммит. Вакциналааһын сыыппаралара бу нэдиэлэҕэ манныктар: 381 995 доза вакцина өрөспүүбүлүкэҕэ кэлбит, быһыы маҥнайгы түһүмэҕин 305 870 киһи ылбыт. Бу уопсай көрдөрүүнү, бырыһыан быһыытынан ыллаахха, 89% тэҥнэһэр. Икки түһүмэҕи толору ааспыт дьон ахсаана — 276 163. “Ыарахан туруктаах ыарыһах ахсаана элбэх”, — диир Елена Афраимовна. Балаһыанньаҕа эппиэтэһэр гына сытар куойка ахсаанын элбээтиннэриигэ үлэ барар, билигин куойка ахсаана 1000 кэриҥэ миэстэҕэ чугаһаабыт.
Биир кутталлаах сибикинэн оҕолор ыалдьаллара үксээбитэ буолар. Билигин биир тыһыынчаттан тахса оҕо балыыһаҕа сытар, амбулаторнай хонтуруолга баар. Миниистир оҕолору вакциналааһын саҕалана илигин санатта уонна: “Оҕолору кытта алтыһар дьон харыстабыллаахтык туттуҥ”, — диэн ыҥырда. Оҕолору быһарга аналлаах вакцинаны күһүн хойут таһаараллара сабаҕаланар үһү. Сотору үөрэх дьыла саҕаланарынан сибээстээн, кириип утары хампаанньа ыытыллара көһүтүллэрин туһунан биллэрдэ.
«Саха сирэ» хаһыат, edersaas.ru
Хаартыска sakha.gov.ru