Елена Борисова: «2035 сылга диэри сайдыы тосхоло Арктика улуустарыгар доруобуйа харыстабылын сайыннарыа!»

Ааптар: 
Бөлөххө киир:

Саха сиригэр 2035 сылга диэри хотугу зона сайдыытын социальнай-экономическэй тосхоло баттанна. Бу туһунан Доруобуйа харыстабылын миниистирэ Елена Борисова санаатын үллэһиннэ:

— Хотугу улуустарга киирсэр сирдэргэ билигин 87 доруобуйа харыстабылын тэрилтэтэ 67 тыһыынча киһи олоҕун, доруобуйатын араҥаччылыыр үлэни ыытар. Ити эрэгийиэн атын сирдэртэн суола-ииһэ уустугунан, дьон олорор сирэ тэйиччитинэн, тыйыс айылҕатынан лаппа ураты. Онон хоту улуустарга доруобуйа харыстабыла эмиэ атын ньымаларынан оҥоһуллар.

Арктикаҕа билигин икки национальнай бырайыак — “Доруобуйа харыстабыла” уонна “Демография” көмөлөрүнэн хас даҕаны сүрүн хайысхаҕа тосту уларыйыы бара турар. Саҥа төрөөбүт оҕо өлүүтүн аччатыы, үлэлиир саастаах дьон олоҕун уһатыы, сүрэх, онкология ыарыыларын ахсаанын аччатыы, эмтиир быраас ахсаанын элбэтии, “кичэллээх технологиялары” олоххо киллэрии, профилактиканы элбэтии — барыта 2035 сылга диэри сайдыы тосхолугар саас сааһынан киирбит. Аҕа баһылыкпыт илии баттаабыт тосхоло дойдубут хоту улуустарыгар эмтэнии хаачыстыбатын тупсарарга, судургу буоларыгар үлэлиир.

Егор Карпов, «Саха сирэ» хаһыат, edersaas.ru

+1
0
+1
0
+1
0
+1
0
+1
0
+1
0
+1
0