Олунньу 5 күнүгэр СӨ идэлээх сойуустарын федерациятыгар электроннай үлэ киниискэтигэр көһүү уонна “Прямые выплаты” диэн боппуруостарга сэминээр ыытылынна. Сэминээргэ СӨ Үлэ уонна социальнай сайдыыга министиэристибэтин, РФ социальнай страховкалааһыҥҥа фондатын Саха сиринээҕи салаатын, Биэнсийэ пуондатын бэрэстэбиитэллэрэ кыттыыны ыллылар.
edersaas.ru
Өрөспүүбүлүкэ идэлээх сойуустарын федерациятын бэрэссэдээтэлэ Николай Дегтярев үлэ киниискэтин электроннай көрүҥҥэ көһөрүү үгүс кэпсэтии, дьүүллэһии кэнниттэн олоххо киирэн эрэрин туһунан иһитиннэрдэ. «Идэлээх сойуустар бастакы түһүмэххэ кумааҕы үлэ киниискэтэ оннунан хааларын туһугар турууластылар», — диэн бэлиэтээн эттэ.
РФ социальнай страховкалааһыҥҥа фондатын Саха сиринээҕи салаата ГУ отделениетын управляющайа Марина Мироновская тохсунньу 1 күнүттэн босуобуйалары саҥалыы төлөөһүн бэрээдэгин туһунан сиһилии кэпсээтэ.
Ол курдук, үүммүт сылтан оҕо босуобуйатын, больничнай харчытын үлэ биэрээччи буолбакка, быһаччы социальнай страховкалааһын фондата төлүөхтээх.
РФ социальнай страховкалааһыҥҥа фондатын Саха сиринээҕи салаатын пресс-сулууспата