Өскөтүн эн, чугас дьонуҥ Госуслуги порталга регистрацияны ааһары ыарырҕатар эбит буоллаххытына тугу гыныахха сөбүй? Эбэтэр сыыһыам диэн куттанаҕыт? Маннык кыһалҕалаах дьоҥҥо анаан биһиги өрөспүүбүлүкэбит бибилэтиэкэлэрин иһинэн Электроннай өҥөлөр сектордара баар буолбуттара.
Билиҥҥи бибилэтиэкэлэргэ кинигэ уларсары таһынан араас интэриэһинэй тэрээһиннэргэ сылдьыахха, быыстапкалары көрүөххэ, ону таһынан электроннай өҥөлөрү ылыахха, онно сурутуохха сөп.
Электроннай өҥөлөр секторыгар эйиэхэ көмөлөһүөхтэрэ:
— «Госуслуги» порталга регистрацияны ааһарга;
— Порталга киирэр парольгун умнубут буоллаххына, учуоттуур сирэйгин төттөрү сөргүтэргэ көмөлөһүөхтэрэ;
— Портал көмөтүнэн өҥөнү туһанары быһааран, сирдээн биэрэллэригэр көрдөһүөххэ сөп.
Ону кытта бибилэтиэкэҕэ интэриниэт нөҥүө бырааска суруттарыахха, иэстэри, ыстырааптары чэпчэтиилээх төлүөххэ, сөптөөх дукумуоннары электроннай көрүҥүнэн оҥорторуохха сөп уонна, биллэн турар, бибилэтиэкэ электроннай кинигэлэригэр көҥүл ылан ааҕыахха сөп.
Ханнык бибилэтиэкэлэр маннык өҥөнү оҥороллоруй?
• МКУ «Амгинская МЦБС»
• МБУ «МЦБС » МР «Горный улус» П.Д.Аввакумов аатынан Киин бибилэтиэкэ
• МКУ “Үөһээ Бүлүүтээҕэ бөһүөлэктэр икки ардыларынааҕы киин бибилэтиэкэ систиэмэтэ”
• МКУК «Ленскэйгэ бөһүөлэктэр икки ардыларынааҕы киин бибилэтиэкэ систиэмэтэ”
• МБУ «Нерюнгри куорат бибилэтиэкэтэ»
• МКУ «Ньурбатааҕы МЦБС»
• Сунтаардааҕы МЦБС
• МБУК «Томпоҕо бөһүөлэктэр икки ардыларынааҕы киин бибилэтиэкэ систиэмэтэ”
• МКУК «Тааттатааҕы МЦБС» Игидэйдээҕи модельнай бибилэтиэкэ
• МКУК «Тааттатааҕы МЦБС»
• МКУ «Уус Алданнааҕы МЦБС»
• МБУ «ЦБС» ГО «г. Якутск» Созвездие» № 21 «бибилэтиэкэ филиала
• МБУ «ЦБС» ГО «г. Якутск» В.Г. Белинскай аатынан №1 кыраайы үөрэтэр бибилэтиэкэ филиала
• МБУ «ЦБС» ГО «г. Якутск» «Встреча» №4 модельнай бибилэтиэкэ филиала
• МБУ «ЦБС» ГО «г. Якутск» И.Д. Панаев аатынан №9 модельнай бибилэтиэкэ филиала
• МБУ «ЦБС» ГО «г. Якутск» «SMART-библиотека» №22 модельнай бибилэтиэкэ филиала