Бу сыл бүтүүтэ волоконно-оптическай интэриниэт ситимин Саха сирин хотугу эргимтэтигэр баар оройуоннарыгар тардыахтара. Бу туһунан Айсен Николаев Гайдардааҕы форум иитинэн ыытыллыбыт «Кооперация государства и бизнеса в цифровой гонке» кэпсэтиигэ эттэ диэн ТАСС иһитиннэрэр.
«Ростелеком» Өлөөн оройуонун уонна өрөспүүбүлүкэни кытта бииргэ үлэлээн, 500 км уһуннаах ситими тарда сылдьар. Бу сыл ахсынньытыгар хотугу эргимтэҕэ тиийиэҕэ. Оттон кэлэр сылларга Хотугу Муустаах акыйааҥҥа диэри тардыллыаҕа», — диэн Айсен Николаев иһитиннэрдэ.
Бу ситимҥэ алмаас хостооһунунан дьарыктанар тэрилтэлэр холбонуохтара. Маны таһынан, ньиэп, гаас хампаанньаларын интэриэһин тардыаҕа.
«Удачнай — Харыйалаах — Өлөөн» хайысханан ВОЛС тутулларын туһунан сөбүлэһии 2019 сыл сэтинньитигэр Илиҥҥи экэнэмиичэскэй форум кэмигэр баттаммыта. Бу ситим Өлөөн оройуонун түргэн интэриниэтинэн хааччыйыаҕа.
edersaas.ru
+1
+1
+1
+1
+1
+1
+1