Маны аах Уопсастыба

Элбэх оҕолоохтор ипотекаларын сабалларыгар анаан субсидия көрүллэригэр этии киирдэ

Элбэх оҕолоох ыал судаарыстыбыннай субсидиянан атыылаһыахтарын сөптөөх эбийиэктэрин испииһэгин кэҥэтэр туһунан сокуон бырайыагын иккис ааҕыыта Госдуума сааскы сессиятыгар көрүллэрэ күүтүллэр. 

Билиҥҥи сокуонунан, 2019 сыл балаҕан ыйыттан үһүс оҕолоро төрөөбүт ыал 450 тыһыынча солкуобай кээмэйдээх көмө субсидияны ипотеканы сабарга диэн ылар бырааптаахтар. Бу харчынан олорор дьиэни, ИЖС эбийиэгин уонна ИЖС иһигэр киирсэр сир учаастагын атыылаһыахха сөп этэ.

Саҥа көннөрүүлэрдээх сокуон бырайыага (№1070133-7) үлэҕэ киирдэҕинэ, судаарыстыбаттан көрүллэр көмө харчыны дьиэни туттууга анаан ылыллыбыт кирэдьиити сабарга туһаныахха сөп.  Итиэннэ тутулла турар дьиэни атыылаһарга уонна ИЖС-ка анаммыт дьиэҕэ, учаастакка кыттыгас өлүүнү ыларга туттуохха сөп буолуоҕа. Ону таһынан өрөмүннээх дьиэни ылыы, паай быһыытынан кыттыыга сыһыаннаах уларыйыылар сокуоҥҥа киириэхтэрин сөп.

«Саха сирэ» хаһыат, edersaas.ru

Хаартыска www.sakha.gov.ru

1
0