Бу күннэргэ саҥа үөрэх дьылынан кыаммат уонна элбэх оҕолоох ыаллары өйөөн, Ирина Гузова салайар социальнай остолобуойа урбаанньыттары Түмэн, анаан эҕэрдэлээтэ.
Сыстыгынннаах дьаҥынан сибээстээн, кими да мунньубат буолан, ас арааһын ыалларынан тарҕаттылар.
«Дезинфекция киинэ» ХЭТ, Дьокуоскай куораттааҕы үүт собуота, «Табачнай-кофейнай киин», «Сырная лавка» тэрилтэлэр, СӨ Норуоттар ассамблеяларын ыччаттара, «Обутов» ИП, «Энергосбыт» тэрилтэ профсоюзнай тэрилтэтин өйөбүллэринэн социальнай остолобуой 53 оҕоҕо аадырыстаах көмөнү оҥордо.
Оҕолор уонна төрөппүттэр барахсаттар оскуолаҕа үөрэнэргэ туһалаах бэлэхтэри тутан, үөрүүлэрэ муҥура суох.
Остолобуой салайааччыта Ирина Гузова көрдөһүүтүнэн бэлэхтэри бэйэлэрин массыыналарынан волонтердар таһан биэрдилэр.
Бу курдук элбэх оҕолоох ыалларга бэйэлэрин баҕаларынан үтүө санаа аахсыйатын тэрийэр дьоммут элбии турдуннар!
Елена ПОТОЦКАЯ, “Саха сирэ” хаһыат, edersaas.ru
Хаартыска —«Саха сирин НКО-лара» батсаап бөлөхтөн.