Элбэх оҕолоох дьиэ кэргэттэргэ биир төрөппүт бэйэтэ талан ылан, биир тырааныспар (массыына, эбэтэр, матассыыкыл, мотороллер, оптуобус, таһаҕас массыыната) нолуогуттан босхолонор.
2018 сылтан 18 саастарын туола илик үс уонна онтон элбэх оҕолоох дьиэ кэргэттэргэ сиргэ уонна дьиэҕэ нолуокка чэпчэтиилэр көрүллэллэр.
Сир нолуогар — биир учаастак 600 кв.м. иэнигэр;
Баай-дуол нолуогар – биир хоско 5 кв.м., кыбартыыра уопсай болуоссатыттан 7 кв.м. (хас биирдии сокуоннай сааһын туола илик оҕо ахсаанынан) көҕүрүүр. Оҕо төһө да дьиэҕэ өлүүлээх буоллар, киниэхэ нолуок чэпчэтиитэ көрүллүбэт, төрөппүттэр эрэ ылар кыахтаахтар.
Чэпчэтиини ыларга сайабылыанньа суруйуохха наада, ону тэҥэ, оҕо төрөөбүтүн туһунан сибидиэтэлистибэ куоппуйатын бэриллэр. Элбэх оҕолоох дьиэ кэргэн статуһун бигэргэтээри социальнай көмүскэл управлениетыгар сылдьыбыт буоллаххытына, нолуок сулууспатыгар итинник сибидиэнньэ тиийбит, онон сайабылыанньаны суруйар ирдэммэт.
Оттон элбэх оҕолоох ыал статуһа бигэргэнэ илик, эбэтэр, дьиэ аҕа аатыгар регистрацияламмыт буоллаҕына, сайабылыанньаны “Мин докумуоннарым” кииҥҥэ, эбэтэр Нолуок сулууспатын “Тус кэбиниэтигэр” киирэн суруйуохха наада.
Ангелина Васильева, «Саха сирэ» хаһыат, edersaas.ru
Хаартыска: sakhagov.ru