Үс уонна онтон элбэх оҕолоох ыалларга дьиэ тутталларыгар ылбыт ипотекаларын сабалларыгар, чэпчэтиини көрүү туһунан сокуон барыла Госдуума көрүүтүгэр киирдэ.
edersaas.ru
Билигин ипотека кирэдьиитин чааһын сабыыга оҕолоох ыалга үчүгэй көмө буолар. Ыалга үһүс оҕо төрөөтөҕүнэ ипотеканы бүтүннүү эбэтэр сороҕун 450 тыһыынчаттан улахана суох сууманан сабыахха сөп.
Ол эрээри, бу көмө миэрэ дьиэни уонна дьиэ туттар сири атыылаһарга эрэ көрүллэр. Ол иһин, парламентарийдар чааһынай дьиэни туттарга эмиэ көмө баар буолара наада диэн бу сокуон барылын киллэрдилэр.
Маннык көмө, биллэн турар, Арассыыйа үрдүнэн чааһынай дьиэни туттары көҕүлүүр, дьиэ кэргэни, элбэх оҕолонууну өйүүргэ, олорор усулуобуйаны тупсарыыга төһүү буолара саарбахтаммат.
Ирина Ханды, “Саха сирэ” хаһыат, edersaas.ru
+1
+1
+1
+1
+1
+1
+1