Элбэх оҕолоох ыалга бэриллэр сир учаастагын хааччыйыы боппуруоһун көрүөхтэрэ
Дойду бэрэсидьиэнэ Владимир Путин 2021 сыл ахсынньы бүтүүтэ биэрбит пресс-кэмпириэнсийэтин түмүгүнэн, кэккэ сорудахтары ыйда. Олортон биирдэстэринэн элбэх оҕолоох ыалга көрүллэр сир учаастагар сыһыаннаах.
“РФ Бырабыыталыстыбата дойду субъектарын толорор былааһын уорганнарын кытта үстэн элбэх оҕолоох ыалга бэриллэр сир учаастактарын ирдэниллэр инфраструктуранан (инженернэй, хомунаалынай, социальнай) хааччыйыы, ону тэҥэ, онно ирдэнэр ороскуоту үбүлээһин туһунан боппуруоһу көрөргө”, — диэн РФ бэрэсидьиэнин саайтыгар суруллар.
Дакылааты 2022 сыл от ыйын 1 күнүгэр диэри бэлэмнээҥ диэн сорудахтаммыт. Эппиэттээҕинэн РФ бырабыыталыстыбатын бэрэссэдээтэлэ Михаил Мишустин, дойду субъектарын үрдүкү дуоһунастаах сирэйдэрэ анаммыттар.
Манна даҕатан эттэххэ, Дьокуускайга сир учаастагын ылбыт элбэх оҕолоох ыал суол-иис, о.д.а. хааччыйыылар суохтар диэн муҥ ытаналлар. Муус хамсаарай диэн эрэл үөскээтэ.
Людмила ПОПОВА, “Саха сирэ” хаһыат, edersaas.ru
Хаартыска: admkrsk.ru