Уопсастыба

Элбэх оҕолоох ыалга бэриллэр көмө хайысхата кэҥээтэ

Элбэх оҕолоох ыал судаарыстыбаттан 450 тыһыынча солкуобай үбүнэн көмөнү  чааһынай дьиэ атыылаһарга уонна туттарга, ипотека сууматын сабарга туһаныахтарын сөп.

Маннык көмөнү ыал үһүс оҕото 2019 сыл тохсунньу 1 күнүн кэнниттэн төрөөбүт буоллаҕына ылыан сөп. Көмө  суумата — 450 тыһыынча солкуобай. Эрдэ маннык көмөнү ипотека кирэдьиитин сууматын көҕүрэтиигэ уонна  чааһынай дьиэни атыылаһыыга эбэтэр дьиэ туттар уһаайба ылынарга көрүллэрэ. Уларыйыылар киириэхтэриттэн бу көмөнү туһаныы хайысхата кэҥээтэ. Билигин бу үбүнэн чааһынай дьиэни туттарга эбэтэр ситэ тутулла илик дьиэни атыылаһарга туттуллуоҕа.  Сиһилии иһитиннэриини бырагыраама оператора «ДОМ.РФ»   саайтыгар киирэн көрүҥ.

 

Ульяна Захарова, edersaas.ru

1
0