Элбэх оҕолоох аҕалары наҕараадалаатылар

Бөлөххө киир:

Аҕа күнүгэр өрөспүүбүлүкэҕэ элбэх оҕолоох аҕалары “Ытык аҕа” бэлиэнэн наҕараадалаатылар. Бу маннык бэлиэнэн өрөспүүбүлүкэ уопсастыбаннай олоҕор улахан кылааттарын киллэрбит, чөл олохторунан холобур буолар, оҕону иитиигэ үтүөлээх аҕалар наҕараадаланаллар.

Ил Дархан ыйааҕынан “Ытык аҕа” бэлиэнэн элбэх оҕолоох Павел Юдинцев, Егор Сыромятников, Николай Жирков наҕараадаланнылар.

Павел Юдинцев Нерюнгри оройуонун Иенгра сэлиэнньэтигэр олорор, оҕо 2018 сыллаахха кэргэнин кытары РФ “Төрөппүт Албан аата” уордьанынан наҕараадаламмыттара.

Егор Сыромятников Дьааҥы улууһун Дулҕалаах сэлиэнньэтигэр олорор, 9 оҕо амарах аҕата, Аҕалар сэбиэттэрин бэрэссэдээтэлэ, нэһилиэк уопсастыбаннай хамыыһыйатын чилиэнэ.

Николай Жирков Горнай улууһун Күөрэлээх сэлиэнньэтигэр олорор, 6 оҕо аҕата, нэһилиэк бэтэрээннэрин сэбиэтин чилиэнэ, “СӨ тыатын хаһаайыстыбатын бэтэрээнэ” бэлиэ хаһаайына.

Ону тэҥэ, “СӨ Аҕа лигата” уопсастыбаннай түмсүү мэтээлинэн элбэх оҕолоох Николай Харитонов (Таатта, Чычымах) уонна Василий Григорьев (Сунтаар, Хордоҕой) наҕараадаланнылар.

Аҕа күнэ Саха сиригэр бастакы бэрэсидьиэн М.Е. Николаев ыйааҕынан 1999 сыллаахтан муус устар ый бастакы баскыһыанньатыгар ыытыллар буолбута. 2015 сыллаахха “Ытык Аҕа” бэлиэ олохтоммута.

Ангелина Васильева, “Саха сирэ” хаһыат, edersaas.ru

Хаартыска: sakha.gov.ru

+1
0
+1
0
+1
0
+1
0
+1
0
+1
0
+1
0