Бу күннэргэ олус элбэх хааһы уонна куһу иннигэр уурунан олорор булчут хаартыската интэриниэт ситимин тилийэ көттө.
Александр ТАРАСОВ, «Саха сирэ» хаһыат, edersaas.ru
СӨ Айылҕа харыстабылын министиэристибэтин пресс-сулууспата иһитиннэрбитинэн, ити хаартысканы Биология институтугар бэрэбиэркэҕэ ыыппыттар. Онно ити тэлгэнэ сытар хаастар уонна кустар көрүҥнэрин уонна тыһыларын-атыырдарын быһаарыахтара. Бэрэбиэркэ түмүгэ чуолкай биллибитин кэнниттэн, административнай миэрэ ылылларын инниттэн полициялары кытта ити булчут кимэ-туга, хантан сылдьара, ханна итиччэ көтөрү бултаабыта быһаарыллыаҕа.
Биир өттүнэн, булчут олус элбэх хааһы бултаабытын кэрэһилиир хаартыска фотомонтаж диэн быһаарбыттар эрээри, билигин итиннэ эмиэ сөптөөх бэрэбиэркэ ыытылла турар.
Иккис хаартысканы оҥорон биэрии дииллэр (фотошоп). Тоҕо диэтэххэ, кэннигэр кытта хаас бөҕө сытар.