Элбэх оҕолоох дьиэ кэргэн ипотекатыттан 450 тыһ. тиийэ көҕүрэтиэн сөп

Балаҕан ыйын 25 күнүттэн саҕалаан Арассыыйа бырабыыталыстыбатын уурааҕынан элбэх оҕолоох дьиэ кэргэн үһүс эбэтэр ол кэнниттэр кэлэр оҕолоро төрөөтөҕүнэ, ипотекаларыттан 450 тыһыынчаҕа диэри сууманы көҕүрэтии туһунан сайабылыанньаны бэйэлэрин бааннарыгар түһэриэхтэрин сөп.

«2019 сыл тохсунньу 1 күнүттэн 2022 сыл ахсынньы 31 күнүгэр диэри 3-с эбэтэр ол кэнниттэн кэлэр оҕолоро төрөөбүт дьиэ кэргэн бу бырагыраамаҕа хапсар. Бырагыраама чэрчитинэн көрүллэр суума ипотека сүрүн чааһын эбэтэр ааҕыллыбыт быраһыанын көҕүрэтиигэ туттуллуон сөп», — диэн ДОМ.РФ официальнай порталга этиллэр.

Чэпчэтии ыларга ипотекалаах бааҥҥа сайабылыанньа уонна бырагыраама чэрчитинэн ирдэнэр докумуоннары тиксэриэн наада: бэйэтин пааспара, хас биирдии оҕотун төрөөбүтүн туһунан туоһу суруга, ипотека кредитин ылыы туһунан докумуон уонна кыбартыыра, дьиэ эбэтэр сир ылыытын туһунан докумуон.

«Баан бэрэбиэркэ кэнниттэн ылбыт докумуоннарын ДОМ.РФ көрүүтүгэр ыытар. Сайабылыанньа уонна тустаах докумуоннар бырагыраамаҕа хапсар буоллахтарына, ДОМ.РФ баан счетугар ипотеканы кыччатыы сууматын ыытар», — диэн этиллэр.

nvk-online.ru сайтан.

#саха_нких_сонуннара