Экстремал Лоренцо Бароне Үрүҥ Хайаҕа тиийбит

Ааптар: 
Бөлөххө киир:

Италияттан сылдьар экстремал Лоренцо Бароне бэҕэһээ туруоруммут сыалын ситистэ.

Кулун тутар ортото бу айанньыт бэлисипиэтинэн ыраах айаҥҥа Покровскайтан туруммута. Бүтэһик тохтуур сиринэн Анаабыр улууһун Үрүҥ Хайа бөһүөлэгин ааттаабыт этэ. Ол аата, Горнай, Бүлүү, Үөһээ Бүлүү, Ньурба, Сунтаар, Мииринэй, Өлөөн улуустарын курдары ааһан кырата 2770 килэмиэтири аҥардас бэлисипиэтинэн эрэ айанныахтаах этэ.

Бу иннинэ Лоренцо хаста даҕаны Саха сирин тымныытын кытта күөн көрсүбүтэ. Онуоха тиэхиньикэтэ ааспыт кыһыҥҥы ыйдар аам-даам тымныыларын тулуйбакка алдьанан төннөргө күһэллибитэ.

Бу сырыыга барыта табыллан, 2801 килэмиэтирдээх айаны 43 хонук иһигэр  түмүктээбит.

Бу олус сылаалаах айаны түмүктүүр туһугар туох баар эт-сиин, өй-санаа күүһүн барытын бараатым, олоччу эстэн хааллым. Ол эрэн мунньубут уопутум, кыайыыттан үөрүүм бары сорбун барытын толуйда,” — диир Лоренцо.

«Саха сирэ» хаһыат, edersaas.ru

+1
0
+1
0
+1
0
+1
0
+1
0
+1
0
+1
0