Тохсус, уон биирис кылааһы бүтэрээччилэр сыыйа эксээмэннэригэр бэлэмнэнэллэр. Дойду Үөрэҕириитин миниистирэ уонна Үөрэҕи, билими кэтээн көрөр федеральнай сулууспа кыттыһан кэлэр сыллааҕы эксээмэннэр ыытыллар болдьохторун бырайыагын оҥорбуттар.
Бырайыакка олоҕурдахха, 2024 сылга биир кэлим эксээмэн (ЕГЭ) сүрүн түһүмэх иннинээҕи болдьоҕо (досрочный период) кулун тутар 22 күнүттэн муус устар 22 күннэригэр, сүрүн түһүмэх (основной период) ыам ыйын 23 күнүттэн от ыйын 1 күннэригэр, эбии түһүмэх (дополнительный период) балаҕан ыйын 4-23 күннэригэр ыытыллар.
Биир кэлим эксээмэн (ЕГЭ) сүрүн түһүмэҕэ маннык күннэргэ ыытыллар:
Ыам ыйын 23 күнүгэр – география, литэрэтиирэ, химия,
Ыам ыйын 28 күнүгэр – нуучча тыла,
Ыам ыйын 31 күнүгэр – математика (базовай уонна профильнай),
Бэс ыйын 4 күнүгэр – обществознание,
Бэс ыйын 7-8 күннэригэр — информатика,
Бэс ыйын 10 күнүгэр – устуоруйа, физика,
Бэс ыйын 13 күнүгэр – биология, омук тыллара (суругунан чааһа),
Бэс ыйын 17 уонна 18 күннэригэр – омук тыллара (тылынан чааһа),
Бэс ыйын 20 күнүттэн от ыйын 1 күнүгэр диэри – бары биридимиэттэргэ эрэсиэрбэ күннэрэ.