Биир кэлим эксээмэн ыытыллар сирдэрэ хонтуруолга тутуллар.
Өрөспүүбүлүкэтээҕи Роспотребнадзор управлениета коронавирус дьаҥын тарҕаппат, бохсор туһуттан, оскуолалар төһө бэлэмнээхтэрин бэрэбиэркэлиир. Бу туһунан sakha.gov.ru суруллар.
Бэрэбиэркэ түмүгүнэн ыйыллыбыт бэлиэтээһиннэринэн, 20 оскуолаҕа эбии дезинфекциялыыр сириэстибэлэр, рециркулятордар, бактерициднай лаампалар, мааскалар, бэрчээккилэр ылыллыбыттар. Оттон бэҕэһээ, БКЭ бастакы күнүгэр, Дьокуускайга 2 №-дээх уонна 26 №-дээх оскуолалары миэстэтигэр тиийэн көрбүттэр.
Ол түмүгэр иһитиннэрбиттэринэн, иһирдьэ киирэргэ үөрэнээччилэри уонна үлэһиттэри тэйиччиттэн кыраадыстарын мээрэйдииллэрэ, илиилэрин дезинфекциялыыр сириэстибэлэринэн ыстараллара бэлиэтэммит. Маны сэргэ, эксээмэн ыытыллар сиригэр 1,5 миэтэрэлээх социальнай дистанция тутуһуллар, паарталарга саахыматынан биирдии киһи буолан олороллор. Аудиториялар салгыннарын ыраастыырга прибордар бааллар. Оскуола үлэһиттэрэ бары ирдэбиллэри тутуһаллар, мааскалаахтар, бэрчээккилээхтэр. Иһэр уу уонна биирдэ туттуллар ыстакааннар бааллар диэн бэлиэтэнэр.
Быйылгы БКЭ ыытылларыгар бары ирдэбиллэр тутуһуллууларын СӨ Роспотребнадзор управлениета хонтуруолга тутар.
+1
+1
+1
+1
+1
+1
+1