Эксээмэн болдьоҕор көннөрүү ыам ыйыгар киириэн сөп

Ааптар: 
Бөлөххө киир:

Биир кэлим эксээмэн (ЕГЭ) араспысааньата ыам ыйынааҕы бырааһынньыктар кэннилэриттэн биллиэҕэ диэн Үөрэҕи уонна науканы кэтээн көрөр федеральнай сулууспа салайааччытын эбээһинэһин быстах кэмҥэ толорор Анзор Музаев эппит.

edersaas.ru

Төһө даҕаны ыарыы үгэннээн турдар, быйыл биир кэлим эксээмэн (ЕГЭ) уруккутун курдук Арассыыйа үрдүнэн биир араспысаанньанан барыаҕа дииллэр. Маҥнай ыам ыйын бүтүүтэ саҕаланыахтааҕа, онтон ыарыынан сибээстээн бэс ыйын 8 күнүгэр көспүтэ.

Рособрнадзор салайааччытын эбээһинэһин быстах кэмҥэ толорор Анзор Музаев ыйытыыларга хоруйдууругар: “Эксээмэн болдьоҕор эпидемиологическай быһыы хайдах буоларыттан көрөн көннөрүүлэри киллэрэн биэриэхпит. Биир кэлим эксээмэни уларытар дуу, эбэтэр дистанционнай ньыманан ыытар дуу туһунан боппуруос көрүллүбэт”, — диэн иһитиннэрбит.

Итиэннэ билигин туох эрэ быһаарыыны ылынар эрдэтин, эксээмэн, оҕолорго уонна учууталларга куттал суоһаабат буоллаҕына биирдэ барыларыгар Арассыыйа үрдүнэн биир күҥҥэ ыытыллыаҕа диэн эппит. Ыам ыйынааҕы бырааһынньыктар кэннилэриттэн сүбэлэри, ол иһигэр коронавируһу утары охсуһар штаб этиитин истэн баран  быһаарыыны ылыныахпыт диэбит.

Людмила ПОПОВА, edersaas.ru

Хаартыска — интэриниэттэн.

+1
0
+1
0
+1
0
+1
0
+1
0
+1
0
+1
0