Бүгүн 11-с кылааһы бүтэрээччилэргэ быйылгы сыл сүрүн түһүмэҕин эксээмэннэрэ саҕаланнылар. Ол курдук, бүгүн географияҕа уонна литэрэтиирэҕэ эксээмэннэри туттараллар. СӨ Үөрэҕин уонна наукатын министиэристибэтэ иһитиннэрбитинэн, уопсайа, 8755 киһи итинтэн 8235 оҕо – быйыл оскуоланы бүтэрээччи.
edersaas.ru
Былырыын эксээмэн тутар 238 пуун (ППЭ) үлэлиирин биллэрбит эбит буоллахтарына, быйыл өрөспүүбүлүкэ бары улуустарыгар 237 пуун аһыллыбыт (ол иһигэр 2 пуун доруобуйаларынан хааччахтаах оҕолор туттаралларыгар — дьиэҕэ). Сүрүн түһүмэххэ (основной период) биир кэлим эксээмэни (ЕГЭ) туттарарга 8755 сайаапка киирбит. Ити сыыппара былырыын 8561 тэҥнэспитэ. Сүрүн түһүмэх иннинээҕи (досрочный) эксээмэни 441 киһи туттарбыт. Литэрэтиирэҕэ 761, географияҕа 259 киһи сайаапка биэрбит. Эксээмэни тэрийээччилэр, түмүк бэс ыйын 11 күнүгэр диэри биллиэҕэ диэн этэллэр.
Людмила ПОПОВА, “Саха сирэ” хаһыат, edersaas.ru
Хаартыска: интэриниэттэн.
+1
+1
+1
+1
+1
+1
+1